Ilaasortanut paasissutissiineq
Juulip aallaqqaataani 2026 allaffimmiumik atorfinitsitivugut. Taanna umiarsualivimmi pisortaq ikiussavaa ilaasortanut kiffartuussinermi, ilaasortanngornissamut ilaasortaanermillu unitsitsinissamut qinnuteqaatinik suliaqarnermi kiisalu inissanut ilisarnaatinik tunniussisarnermi il.il.
Tamatuma saniatigut siulersuisut suliffeqarfik naatsorsuutinik aqutsisussamik avataaneersumik isumaqatigiissuteqarpugut, taassumalu naatsorsuutinut tunngasunik suliaqarnissaq isumagissavaa. Tamatumani siunertaavoq allaffissornikkut suliassat immikkoortinneqarnissaat, taamaalilluni ilaasortanut pitsaanerusumik kiffartuussinissamut periarfissat pitsaanerulerniassammata.
Allaffimmiortaata suliassani pulalluarfigilerunigit, siulersuisut naatsorsuutigaat ilaasortanik nutaanik tigusinissaq kiisalu utaqqisunut allattorsimaffik ammaqqinneqassasoq.
Siulersuisut suliniutit taakku pingaarutilittut isigaat kiffartuussinerup pitsanngorsarneqarnissaanut aammalu allaffissornikkut ingerlatsinerup pitsaanerulersinneqarnissaanut, ilaasortanullu iluaqutaasussamik.
Siulersusiut