Ilaasortatut allakkatigut attavigineqartuarsinnaanissat uatsinnut pingaaruteqaqaaq. Taamaattumik maluginiaqqunarpoq mail-adresserisavit pisortaqarfiit mailiannut attuumassuteqannginnissaa pingaaruteqarmat. Paasivarput, annermik pisortaqarfinni, mail-adressillit apuussiffiginiarneri ajornakusoorsinnaasartoq. Tassami nassiussagut suliffeqarfiit Firewall-iiniit (mail-it viruseqarsinnaasut apuuffissaannut siammarteqqinnginnerini immikkoortiterivik) ingerlaqqingitsoortarsimammata. Taamaattumik pisortaqarfimmi mail adresseqarsimaguit iluarsiissummik ilisimatitsilaarnissat pisariaqartipparput. Kalerriiffissaq – havnemester@ghb.gl – kalerreeriaruit ilaasortaanermut paasissutissanut allattorsimaffitsinni iluarsissavara.