Bådeforeningimi pisussat:

Ataatsimeersuarnerit

Martsip naannginnerani peqatigiiffimmi ataatsimeersuarneq pisarpoq.

Erfalasup amuneqarnera

Tamannalu ingerlanneqartuaannarpoq maajimi peqatigiiffiup quersuaani tungujortumi. Erfalasup amuneqaqqaarfissiornerata nalaani imigassanik sassaalliisoqarneq ajorpoq, kisiannili unnukkut nal. 18.00 kingorna erfalasuleqqaarnerup nalliuttorsiutigineqarnerani illoqarfimmi nalliuttorsiorfiusartut arlaanni akiliilluni nerisoqarsinnaavoq, imertoqarsinnaavoq tusarnaartitsisunullu peqataasoqarsinnaalluni. Tamannalu ilaasortarpassuatsinnut nuannisarfiusaqaaq.

Puttasunik aqqaanerit

Puttasut aqqarnissaanut ukiup sivisussusaa, sikup silissusaa aammalu puttasut inissisimaffigisartagaasa qanoq sikoqartiginersoq apeqqutaasarput.

Puttasunik qalluinerit

Peqatigiiffimminngaanniit puttasunik qalluinissaq peqqutigalugu angallatit puttasuninngaanniit kingusinnerpaamik novembarip pingasunngornerisa aappaani nal. 08.00 peerneqarsimassapput.