Imaassinnaavoq angallammi nutaami, angallammi atukkami imaluunniit aquttutut angalaaqqaalersutit.

Kalaallit Nunaata imartaani angalaarniartoqartillugu piumasaqaataanngilaq aquttutut allagartaqarnissaq. Kisiannili sillimaniarneq eqqarsaatigalugu iluaqutaasinnaaqaaq angallatip avatangiisillu qanoq ittuuneri paasinialaassallugit.

Angallat:

  • Angallat teknikkiilu ilisimavigit?
  • Angallammi atortut aarlerinanngitsumik atorsinnaavigit?
  • Angallatip angalasariaasia ilisimaviuk (Z-drev/skrueakselilu nikissinnaanngitsoq)?
  • Sillimaniarnermut atortut angallammiittut ilisimavigit?
  • Pinartoqartillugu radiop atorneqarnissaa ilisimaviuk?
  • VHF-imut uppernarsaateqarpit?

Avatangiisit:

  • Aallarfissavit nalaani immap naqqa ilisimaviuk?
  • Ornitassavit nalaani immap naqqa ilisimaviuk?
  • Angalaartinnak silasiorpit?
  • Aallannginninni kammalaatitit ilaquttatilluunniit angalaarnissannik paasitippigit?

Angalaarneq:

  • Angalaarnissannut orsussaq, uulia kingoraartissatillu naammattut nassarpigit?
  • Taquassatit imeruersaatissatillu naammappat?
  • Angallammi atortutit silarlussioriasaarnissannut qajannaallisarpigit?
  • Angalaarfissanni isumannaatsunik kisarfiusinnaasunik ilisimasaqarpit?

Taakkuupput angalaalertinnak imminut apeqqutigisinnaasatit. Angallatit avatangiisitillu ilisimalluarukkit angalaarnissallu pilersaarusiorluarsimagukku, taava qularnanngilaq angalaarluassasutit. Sillimaniarnissamulli ilisimasassat arlaat eqqarsaatiginngitsooriasaarsinnaagullu ajornartorsioriasaarsinnaavutit angalaarnerillu nuannisarfiginngitsoorlugu.

Nuummi atuagaarniarfik angalaarneq pillugu atuagarpassuuteqarpoq, aammattaarlu bådeforeningimi ilaasortarpassuaqarpoq angalaqqaarniarlerninnut ikiuussinnaasunik. Pitsaaneruvormi ajutoortigani ikiorneqarnissamik noqqaaneq.