Ilanngussaq uani aaneqarsinnaavoq – Du kan hente bilag om kommuneplantillæg her

og bilag til behandling af høringssvar her

Umiarsualivissaq

Nutaamik umiarsualiviliassaq pillugu pilersaarusiamut tusarniaanermut atatillugu bådeforening-i sinnerlugu siulersuisut akerliliipput. Akerliliinigut tamarluinnangajaasa kommunep itigartitsissutigai, taakkulu nittartakkatsinni atuarsinnaavasi. Soorngunami tamanna namminersorlutik oqartussanut naammagittaalliuutigissavarput, tamatumunngalu decemberip qeqqata tungaanut piffissaqarpugut.

Ikaartarfiliortoqassappat ulinnganerpaaffimmi pulaffissaq taamaallaat 5m-iunngoratarsinnaavoq. Ilimagaarput tamatuma ilaasortagut 140-t missaanniittut eqqussagai, imaassinnaammat ulinngatillugu umiatsialivimmut isersinnaajunnaartut. Taakkulu pineqartut tassaapput umiatsiat portusuunik antennellit aammalu napparutillit.

Pulaffissaq amitsuararsuussaaq – taamaallaat 40 meter-it missaanni – tamatumalu upernaakkut sualummik sikumik aserorterineq ajornakusoortissavaa, pulaffissaq amitsuutillugu sikup  anillatsinniarnissaa sivitsortussaammat.Inaarutaasumik ikaartarfiup inissaa suli akuersissutigineqanngilaq – pilersinneqassaguni. Nunamut qanippallaamik ikaartarfik inissinneqassappat, kujasissumit sila ajoraangat nunamiit utertunik malissiortalissaagut, tamannalu umiatsialivimmut pulaniarnissamut ajornartorsiortitsilissaaq, ulorianartunillu pisoqarsinnaanera annilaanngatigaarput.

Taamaattumik peqatigiiffimmut ilaasortatut isummat perusulluinnarparput. Mailerfigisigut, akissutillu namminersorlutik oqartussanut naammagittaalliuutissamut isummersornermut ilanngunneqassaaq.