Ajoraluartumik ilaasortatta angallataannut tillinniartartut amerliartorput. Qaammatini silap taarneruffiini aammalu angallatit qaqinneqareernerata kingorna tillinniat amerlanerusarput.

Amerlanertigullu meeqqat/inuusuttullu tillinniartuusarput, ilaanneeriarlutik tillinniat paasisaasaraluarput ajoraluartumilli ajornartorsiummut annikinnerulersitsinngillat.

Bådeforeningiminngaanniit politiit suleqatigineqartarput filmiliuutikkullu takuneqarsinnaasut iluaqutigalugit tillinniat ilaanni tigusarineqartarput. Tamaakkaluartorli ilaannikkut tillinniat atikkersorsimanerat peqqutaalluni ilisarinissaat ajornakusoortarpoq aammalu tillinniarneq unnuami taartumi ingerlanneqartarmat tillianniat ilisariuminaasinnaasarlutik.
Ilaasa immaqa eqqumiigivaat matuersaatit kajungerisartortallit puttasut matuinut tamanut ammaasinnaasut. Kisiannili tamanna sillimaniarneq eqqarsaatigalugu taamaatsinneqarpoq, tassami ilaasortat allat puttasumi allami ajornartorsiuteqariasaassagaluarpata kinaluunniit ikiuisinnaasariaqarmat. Tamannalu paasinarpoq.

Siornatigut bådeforeningimininngaanniit aningaasat annertuut atorlugit puttasut nakkutilliisunit nakkutigineqartarnikuugaluarput. Tamannalu akisugaluaqisoq tillinniat unissimanngillat.

Nammineerluni tillinniat annikillisarniarlugit qanoq iliortoqarsinnaava?

  • Isertarfiit matunissaat eqqaamajuaannarneqassaaq.
  • Puttasuni susassaqanngitsunik naammattuuigaanni ingerlaqquneqartassapput.
  • Tillinniat tigusassaqannginnerussammata nalilinnik angallammiititsinaveersaarnissaq (imigassat, tupat allallu nalillit).
  • Puttasut matuinut matuersaatigisaq katassimagaanni tillitsissimagaluarpalluunniit havnemesterimut oqaaseqarnissaq, tassami matuersaat inuup kukkusup tigummeqinammagu.
  • Angallammi kalerrisaarummik ikkussineq. Kalerrisaarutit assigiinngitsut illoqarfitsinni pisiassaapput kisiannili aamma internetsikkut nassaartoqarsinnaavoq akiminnut naleqquttunik. Taakkualu aamma atorneqarsinnaapput angallatit qaqereernerata kingorna.

Tillinniartoqarsimaneranik paasisaqartoqarpat taava politiit havnemesterilu saaffigineqassapput. Havnemesterimmi misissussagamiuk puttasumi tassani angallatit allat tillinniarfigitissimanersut, taamaattiqarsimappallu piginnittut kalerrinneqarniassammata.

Soorunami tillinniarnerit pinaveersaartinniarlugit suliniutinik allanik ingerlatsisoqarpoq.