Ilaasortat GHB-imi Haalimik atuisinnnerannut malittarisassat

  • Haalimik atuiniaraanni Havnemesteri isumaqatigineqaqqqaassaaq, haalillu attartorneranut akiliuteqarlunilu depositumeqarpoq.
  • Sullivimmi atortut atorneqannginneranni atoreernerannilu Havnemesteri peqatigalugu misissorneqassapput arlaatigullu nalunaarsugassaasinnaasut nalunaarsorneqassallutik. Arlaatigut amigaateqalersimappat ajoquteqalersimappalluunniit tamanna atuisup akisussaaffigissavaa.
  • Haali ilaasortaninngaanniit umiatsiat, angallatit gummibådit assigisaallu aaqqissuunneqarneranni atorneqarsinnaavoq. Ilaasortaninngaanniit haali qamutinik (soorlu biilit, mc’it, knallartit, qamutillu haalimut eqqunneqaqqusaanngillat) aaqqissuiniarnermut atorneqaqqusaanngillat.
  • Haalimi atortunut assigisaannullu peqqumaasiveqanngilaq.
  • Sullivimmi atortut haalimiittut atuisunit atorneqarsinnaapput, tamannali nammineq akisussaaffigineqartarpoq. Haalimittaaq Havnemesteri isumaqatigeriarlugu sakkunik allanik atuisoqarsinnaavoq, taakkuattaaq atuisup nammineq akisussaaffigissavai.
  • Atuisutut nammineq sakkunik allanillu haaliliaassigaanni aamma taakkua nammineq akisussaaffigineqartarput. GBF-iminngaanniit namminerisamik sakkut allalluunniit atortut haalimi sequmissimasut/tammarsimasulluunniit akisussaaffigineqarsinnaanngillat.
  • Haalimi glasfiberilerisoqarsinnaanngilaq kiisalu angallatit qalipaqqusaanatillu lakereqqusaanngillat, taamaaliortoqarsinnaanngilarlu haali tamakkulerisoqarnissaanut ilusilersorneqarsimananilu silaannalersorneqanngimmat, tamannalu aamma GBF-imi sulisunut arlaatigut ajoqutaaqinammat sulinermilu avatangiisit sunnerneqaqinammata.
  • Haalimi atuineq nammineq akisussaaffigalugulu sillimaffissaavoq tassa imaappoq haalimi atuisoq arlaannaatigulluunniit GBF-iminngaanniit ajutoornermut sillimmaserneqarsimanngilaq taamaattumillu haalimi ajutoorneq nammineq akisussaaffigineqassaaq.
  • Atuisutut atoriikkat aaqqinneqartassapput kiisalu Havnemesteriminngaanniit malinneqaqquneqartut aamma malinneqassallutik.

Godthåb Bådeforening, juulip tallimaat 2019.